യുവാവിനൊപ്പം ജോഗിംഗ് നടത്തുന്ന ഒരുകൂട്ടം അണ്ണാന്മാര് സോഷ്യല്‍മീഡിയയുടെ മനംകവരുകയാണ്.
നായകളും പൂച്ചകളും മറ്റും ജോഗിങ്ങിനിടയില്‍ ആളുകളെ പിന്തുടരുന്നത് കണ്ടിട്ടുണ്ടെങ്കിലും ഇതാദ്യമായാണ് അണ്ണാന്മാര് ജോഗിംഗ് നടത്തുന്നയാളെ പിന്തുടരുന്ന കാഴ്ച ലോകം കണ്ടത്.
പാര്‍ക്കിലൂടെ ജോഗിംഗ് നടത്തിയ യുവാവിന്റെ പിന്നാലെയാണ് അണ്ണാന്‍മാരെത്തിയത്. അലിസണ്‍ ക്യാമറോണ്‍ ആണ് ട്വിറ്ററിലൂടെ മനോഹരമായ ഈ ദൃശ്യം പങ്കുവച്ചത്.
യുവാവിന്റെ പിന്നാലെ അണ്ണാന്മാര് എത്തുന്നതിന്റെ പിന്നിലെ രഹസ്യവും ഇവര്‍ വ്യക്തമാക്കി. പോക്കറ്റില്‍ കരുതിയിരിക്കുന്ന നട്‌സ് ജോഗിങ്ങിനിടയില്‍ യുവാവ് അണ്ണാന്മാര്‍ക്ക് നല്‍കുന്നുണ്ട്.
ഭക്ഷണം കിട്ടാനാണ് അണ്ണാന്മാര് കൂട്ടത്തോടെ യുവാവിന് പിന്നാലെ പായുന്നത്. യുവാവും അണ്ണാന്‍മാരും പാര്‍ക്കിലെ പതിവു കാഴ്ചയാകാമെന്നും ഇവര്‍ വിശദീകരിച്ചു. ലക്ഷക്കണക്കിനാളുകളാണ് ഇതിനോടകം വീഡിയോ കണ്ടത്.
